Da Jürgen spuid de Steirische und as Akkordeon. Singa duad er übrigens wia a Zeiserl. Ausschaung duad er aber ned so. Bei de Proben is er zudem verantwortlich fürs Bier. Wobei er meistens des wos er hoid a glei selber trinkt.
Da Andi
Da Andi is bei de Gschubstn verantwortlich für de Gitarre und meistens für de zwoate Stimm. Für de erste hods ned ganz glangt. Dawei macht er scho seit seim 6. Lebensjahr Musik und spuid neben de Gschubstn a no Klavier bei de Rockagillys.
Wir Musi spuin
Mitnand samma de Gschubstn und machan seit 2019 Wirtshaus-Musik. Ogfangt hod ois bei am Musikanten-Stammtisch in unserem Heimatort Maitenbeth. Do samma uns des erste Moi musikalisch begegnet und ham beschlossen, dass ma des a wengal ausbauen woin.
